सुनेको मात्र हो, रसुवाको पुरानो सदरमुकाम हो स्याफ्रु । तर पछि काठमाण्डौसँगको दुरी बढी भएकोले यसलाई धुन्चे सारियो रे । दुई ठुला खोलाको सँगमस्थल स्याफ्रु अब आफैमा चौडाहुने तर्खरमा छ । चीन पुग्न १६ कि मी को बाटो यहाबाट खुल्ने तयारी छदैछ भने लाङ्टाङ् हिमाल, गणेश हिमाल र गोसाईकुण्ड जाने यो त्रिकोणमा उभिएर तपाई यसलाई काठमाण्डौको तिनकुनेसँग दाज्दा फरक त महशुस गर्नु हुने नै छ ।
अर्को कुरा लाङ्टाङ् खोला र भोटेकोशीको यो दोभानमा उभिएर जलश्रोतको अपार सम्भावनाको चर्चा गर्न मात्र नभई ७,२४५ मी अग्लो लाङ्टाङ् लिरुङ हिमालको पनि उचाई नाप्न सकिन्छ ।
८३ प्रतिशत तामाङ बस्तीको यो जिल्लामा भर्खरै इन्डिएन आईडल बनेका प्रशान्त तामाङको चर्चा नहुने त कुरै छैन, बरु उनको पुर्खाको पनि सोधखोज हुनसक्छ ।
"तत्काल अब मोबाईलबाट एस् एम् एस् भोटिङ लाईन बन्द गरिएको छ ।" यो सुचना सोनी टिभीको भने होइन । टेलिकमका टाउका सुगतरत्न कँसाकारले केही समय अघि भने झै नेपालबाट प्रशान्तलाई एस् एम् एस् गर्न सकिदैन भनेर पनि होइन कि !नेपाल टेलिकमको मोबाईल सेवा नै यहा नभएर मात्र सधैको लागि एस् एम् एस् बन्द गरिएको पो रहेछ !!
बर्षायामको यो मौसममा हरियाली पनि बढीरहेको छ ।डाडाकाडाहरु मात्रमा हरियाली होइन , मौसम पनि मुडमा छ कि भनेर हेर्दा खोलामा पानीको लहर बढेको छ ।
अनी फेरी डाडाबाट हेर्दा खोला र स्याफ्रुबेसी बजार उस्तै उस्तै घुमाउरो भएर पनि होला, सँगै आलोपालो ठाउँ सर्ने जस्तो देखिन्छ ।
१६ किलोमिटरको उत्तरी तिब्यात चिन रशुवागढि नाका हुँदै केरुङसँग सन् २०१० को अन्त्य सम्ममा जोडीने तरखरमा रहेको यो बेसिको दोभान छेउ बसेर हेर्दा लाग्दैन कि , लाङ्टाङ र भोटेकोशी जस्ता ठुला खोलाहरु मिसिएर एकै छिनमा त्रिसुली नमाकरण भई गल्छी ( काठमाडौं-हेटौंडा बाटोको ४७ किलो मिटर खन्ड ) पुग्दा कम्तिमा पनि सय किलोमिटरको यात्रा यहाँबाट सोझै पार भईसकेको छ । अनी गल्छिबाट अर्को दुई सय किलोमिटर वरै सुक्खा बन्दरगाह बिरगन्ज लम्पसार परेर सुतिरहेको किन नहोस् , त्यो त प्रतिक्षामा होला अर्को छोटो लिङ्क तिब्यतको । 
